Day: December 27, 2005

今日去左長洲同Karen慶祝生日，大家都玩得好開心。

錯手的馬會計數機、遲來的旅程、痛快的實況、神祕的真話與勇敢、蠟燭的驚喜、通宵的實況二、突如其來的一吻、漆黑的街道、黎明的祈盼、沒有睡的一天。

(內容，有機會再補)

今日約左Claire睇【情癲大聖】，初段佢地想搞笑，但係我笑唔出囉。不過提材都幾新穎，而且裡面既風景、做型都幾吸引，而且最後都有少少共鳴，所以整體套戲都可以接受。

睇完戲之後就去食哈迪斯。點知俾我地見到葉世，原來佢地有NDS版聚，成班男仔係哈迪斯打機，場面真係非常攪笑！我地傾左偈傾到五點幾左右就開手喇。

跟著我就同班舊同學仔去睇英武。發覺原來用投影機黎打機係咁正嫁！個螢幕超級大啊！我地玩One.Piece，裡面既Mini.Game好好玩！雖然成日都包尾，不過最後大輸家有二千萬獎金，結果總分多英武十萬分而唔洗包尾，哈哈！

玩左咁多日真係疲倦啊！好想休息一下！但係聽日又要去入Camp玩通宵喇，唯有好好珍惜今晚訓覺既時間啦。