Day: November 4, 2005

我發覺自己真係一個好有愛心既人，因為我可以對著一班瘋狂魔獸兩個鐘頭都無毒打佢地！突然覺得做老師真係好偉大，不過又好辛苦。

記得【童夢】其中一個片段，兩個老師落機舖打機俾班壞學生串，雖然班學生真係抵打，真係值得懲罰，但係佢地都無以牙還牙。因為佢地明白到大家既身份唔同，有時做人真係身不由己。其實有好多問題都唔係話想逃避，唔敢面對，只係個問題根本解決唔到。

p.s.小寶~誕生日！！！祝你快高長大，心想事成！

失眠，一個好陌生既詞語竟然係我日記中出現。

導致失眠有三大因素。第一，心理因素；第二，睡眠環境；第三，睡前習慣。究竟我係因為邊種因素而失眠呢？我自己都唔知，我只係知道而家成身都痕到爆炸，頭又痕，手又痕，腳又痕，總之就好痕！

呀～～～～～～～聽朝仲要教波嫁，我要訓覺啊！

酒，有人話係穿腸毒藥，也有人話係萬藥之長，不過自古以來，人類對佢的喜好都係有增無減。無論大餐小餐，喜慶場合，都會見到一班男士手握酒杯，之後大叫一聲「飲勝」或「乾杯」，然後大啖大啖張手上既美酒飲盡為止！

但係我唔明白，點解佢地會覺得手上所謂既「美」酒會咁好飲！？係我口中，酒只係一樣苦到想嘔既飲品，根本就唔覺得有咩咁好飲。而且酒入愁腸愁更愁，酒會令人肝腸穿斷，令人神志不清，更會酒後糊塗，做出好多錯事。

切記：少飲為妙！

p.s.花打，生日快樂！祝你身體健康！