之前試過同一大班人去圖書館溫書，又試過獨自係屋企溫習，兩者成效不大。今日發現，原來同大自然一齊溫書先係最好！
記得會考個時同成班同學仔集體去中央溫書，結果傾偈多過計數，咩書就溫唔到。之後，高考又試過自己一個人去自修室溫習。但係裡面既「寧靜」環境實在令人難以集中。
我一直都尋求一個理想既溫書環境，有效率既讀書方法，可惜，每一次既嘗試都係失敗。不過，今日發現原來自己一個人係花園仔一角，一邊呼吸大自然既新鮮空氣，一邊聆聽小鳥兒清脆歌聲，一邊溫習課堂上既筆記係最好既！
無可否認，同朋友仔一齊溫書係有一定既好處，起碼大家可以解答對方既疑難，一齊研討習作中既問題。不過，對我而言，係測驗考試前席，依個時間緊迫既日子裡面，都係一個人溫習較為理想。
Leave a Reply