今晚Re-U，同綠索女大家庭去左深水灣燒野食。其實原本係去西貢，點知轉左去深水灣，早知就唔洗專登出中環集合啦。
今次既話題主要圍繞O’Camp發生既事，原來我走左之後，Sunny係度週圍問其他女仔電話，結果俾人輪con，而家已經係City出晒名喇，諗起都笑死！另外，佢地又傾下學科既野，但係已經與我無關，所以都係得個聽字。
個度真係好悶熱，完全無風，搞到無咩胃口，食得唔係好多野，不過就飲左超多水。大約燒左兩個幾鐘就走人喇！
今晚，可以話係City人最後一夜，聽日就開始做Poly人喇！雖然同City班朋友只係識左幾日，但係個感覺已經好唔錯。遲下得閒再聚舊啦！拜拜！
p.s.終於都打番O’Camp個篇，不過暫時只係寫左第一日，之後既就要等下喇！
Leave a Reply