開始習慣早睡早起，而家一朝早多左時候俾我用，所以可以做好多野。今日上網睇返前幾日無睇既網頁，又更新左Ｘａｎｇａ，今次就轉左小寶做主角。而且，仲修改返以前打過既日記。
返到好景，又照舊聽電台廣播。今日竟然俾我聽到一個超級恐怖既新聞，就係「離奇空降大脾」。試幻想一下，有一日你係屋企睇緊電視，點知突然之間，聽到天台「彭」一聲，仲整凹埋個天花。於是你就上去睇睇啦。但係千估萬估你都唔會估到，你竟然會發現左一隻左大脾，係一隻血淋淋既男人既左大脾！你話大唔大震驚呢！原來係美國有個偷渡客偷偷地上左一格飛機，點知俾隻機門挾左隻腳出黎，仲要跌落去民居既屋頂，真係大恐怖啊！
今日生意好差，又要走黎走去，隻左腳又超痛，睇書又睇到背痛。好辛苦啊！之後，無無聊聊就睇ｅａｓｏｎ隻ＮＣＭ，發覺而家香港樂壇真係好少有佢唱Ｌｉｖｅ咁好既歌手。抵佢銷量咁好既！
好～報一報告學日文既進度先，而家學識左平假音既濁音、半濁音！繼續努力！
