五月六日 星期五 陰
今日心情好低落，連著衫都係黑色，Xanga底色都係轉左黑色，總之就爆黑啦！
零晨三點幾，又行雷又閃電，又濕又熱，仲有隻死人蚊飛黎飛去！諗著落床開冷氣，落床果陣踩到個袋，仲好似踩到唔知咩野。不過咁無理佢啦，我就去開冷氣。不過覺得幾精神，於是起左身睇死亡筆記。過左大約一個鐘左右，見隻眼好累就上床訓過。再起身已經係九點，但係覺得好似過係好快，自己無咩點訓到。
返到好景，打開個袋諗著拎部PPC出黎。點知一開機，就知唔對路喇，個螢幕出現好多條間間！諗番轉頭，一定係落床果陣壓壞左啦！頂！最衰係隻死人蚊啊！你地唔好俾我見到，唔係見一隻，殺一隻！啊！！好火爆啊！！
今個月都唔知發生左咩事，又無俾邪眼死光射中啊。點解會無啦啦部DC跌落地下，搞到個外殼凹左，而今日又整壞左部PPC呢？好彩兩樣都仲有保養姐，唔係就仆街喇！
Leave a Reply