依一排有時早訓，有時夜訓，生活好唔定時啊！搞到個鼻生左一兩粒瘡。
今個早上又係西遊記陪伴著我，睇黎都有排打，因為六魔王一個都未打死過。好吹脹囉，成日以為打死一個魔王，點知又係魔王既手下黎。而今個下晝就溫左一陣日文，但係仲未背熟。要加把勁先得喇！一要溫書就有少少眼訓，所以就訓左一陣。
好耐無訓得咁好喇！醒左之後就睇《龍珠》，好好睇啊！由布歐篇開始睇，睇到大結局。不過漫畫版跳得好快，五期左右就睇完。諗翻起以前細個，真係好想有神龍幫我完成三個願望，第一個願望就係識得飛；第二個願望就係識得瞬間轉換；第三個願望就係要多三個願望！哈！哈！
ps.今日係法比生日，祝你快高長大！此外B-Blog亦貼左篇有關佢既文章。
Leave a Reply