今朝五點四就起左身，本來想做英文功課
不過最後都係去在上網、食早餐 
之後行路返學，見唔到旦旦鏗，原來佢今日無返學 
Pure要測驗，份卷唔難，表現過得去
之後Applied堂，議員做左半題數就落堂
其後都無發生咩特別事，都係踢下波、吹下水
午飯之後，同阿雞玩層層疊 
點知玩玩下，嘉豪無啦啦飛枝筆過黎，整跌晒我地既傑作 
物理堂，一邊聽祖祖偉講MC答案，一邊又玩層層疊
不過今次我輸左，結果要罰兩堂唔准同同學仔講野 
—————————————————————-
返到屋企，訓左一陣就同熙出去睇PDA
經過修頓既時候，撞到阿達打學屆籃球
然後我地就上電腦城，今日睇到幾部幾岩心水 
熙就買左DVD-RW + SD card，我就空手而回
途中見到賣 notebook 既鋪頭都播緊 BoA 既 Live Show，大開心 
有間鋪頭，仲將 Quincy 個 PV 放入部 PPC 裡面
我當然立即拎黎睇啦，雖然 BoA 可愛，不過影片既質素就麻麻地喇
—————————————————————-
今次返屋企好快，等一陣就有97黎，而且又有位坐 
返到屋企就打日記，其後做功課，咁就一日喇
Leave a Reply